Þriðji sigurinn í höfn í Ósló

Reykjavíkurúrvalið sem er á sigurbraut í Ósló. Efri röð f.v.: Hrafnhildur Markúsdóttir, Sigrún Erla Þórarinsdóttir, Laufey Helga Óskarsdóttir, Sylvía Stefánsdóttir, Ásdís Styrmisdóttir. Neðri röð f.v.: Ester Elísabet Guðbjartsdóttir, Þóra Lind Guðmundsdóttir, Arna Sif Jónsdóttir, Arna Katrín Viggósdóttir, Silja Gunnarsdóttir. MyndAðsend

Ekkert lát er á sigurgöngu Reykjavíkurúrvalsliðs stúlkna í borgarkeppninni í Ósló. Í morgun vann liðið þriðja leik sinn í mótinu er það skellti liði frá Helsinki í Finnlandi með 11 marka mun, 31:20. Á morgun bíður liðsins viðureign gegn liði frá Kaupmannahöfn.


Sóknarleikurinn var í öndvegi í fyrri hálfleik í leiknum við lið Helsinki. Alls voru skoruð 32 mörk, þar af skoraði Reykjavíkurúrvalið 20. Heldur rann leikmönnum mesti sóknarmóðurinn í síðari hálfleik. Meiri áhersla var lögð í varnarleikinn. Fyrir vikið urðu mörkin alls 19. Af þeim skoraði Reykjavíkurliðið 11.

Sigríður Unnur Jónsdóttir þjálfari ræðir við stúlkurnar fyrir leikinn í morgun. Mynd/Aðsend


Mörkin skoruðu: Layfey Helga Óskarsdóttir 7, Hrafnhildur Markúsdóttir 6, Silja Gunnarsdóttir 5, Sylvía Stefánsdóttir 5, Ester Elísabet Guðbjartsdóttir 3, Sigrún Erla Þórarinsdóttir 2, Þóra Lind Guðmundsdóttir 2, Ásdís Styrmisdóttir 1.

Arna Sif Jónsdóttir varði a.m.k. átta skot í markinu.

Reykjavík – Ósló, 17:14.

Reykjavík – Stokkhólmur, 26:13.

Reykjavíkurliðið, sem er skipað stúlkum fæddum 2008 og 2009 og keppir ytra undir merkjum Handknattleiksráðs Reykjavíkur.


a>
- Auglýsing -

Nýjustu fréttir

- Auglýsing -