Mynd/Egill Bjarni Friðjónsson

Nýliðar Grill66-deildar karla í handknattleik, Kórdrengir, hafa samið við þrjá nýja leikmenn á síðustu dögum fyrir átökin sem framundan eru á Íslandsmótinu. Í gærkvöld staðfesti Matthías Daðason með undirskrift sinni að hann leikur með liði Kórdrengja næstu tvö ár.

Matthías er þrautreyndir handknattleiksmaður sem árum saman hefur leikið með Fram og verið ein allra öruggasta vítaskytta landsins og afbragðs vinstri hornamaður.


Auk þess að leika með Fram var Matthías um nokkurra ára skeið í Danmörku hjá Ringsted og Körsör.


Auk Matthíasar hefur Eyþór Vestmann samið við lið Kórdrengja. Eyþór lék síðast með ÍR í Olísdeildinni á síðasta keppnistímabili en hefur áður m.a. leikið með Aftureldingu.


Stefan Mickael Sverrisson, skytta og miðjumaður, verður einnig liðsmaður vaskrar sveitar Kórdrengja í Grill66-deildinni á komandi keppnistímabili. Stefan Mickael ólst upp hjá FH en hefur einnig leikið með Víkingi og félagsliði í Noregi.


Eftir því næst verður komið ráða forráðamenn Krórdrengja þjálfara til liðsins fyrir lok vikunnar.

- Auglýsing -

Nýjustu fréttir

- Auglýsing -