- Auglýsing -

Þrjár skoruðu samtals 32 mörk

Karólína Bæhrenz Lárudóttir tók upp þráðinn fyrir leiktíðina og gekk til liðs við Fram. Mynd/Ívar

Deildar,- og bikarmeistarar Fram unnu 21 marks sigur á FH í Olísdeild kvenna í handknattleik í Framhúsinu í dag þegar sjötta umferð hófst. Þrír leikmenn Fram-liðsins skoruðu samtals 32 mörk í, 41:20, sigri. Fram var með átta marka forskot að loknum fyrri hálfleik, 19:11.


Lena Margrét Valdimarsdóttir skoraði 12 mörk fyrir Fram. Karólína Bæhrenz Lárudóttir skoraði 11 mörk og naut þess að liðið fékk mörg hraðaupphlaup. Stórskyttan Ragnheiður Júlíusdóttir skoraði níu sinnum.

Britney Cots gat leikið með FH en hún tók ekki þátt í tveimur síðustu leikjum liðsins vegna meiðsla. Cots var að vanda aðsópsmikil fyrir FH-liðið og skoraði átta mörk.

Með sigrinum komst Fram upp að hlið Vals með átta stig eftir fimm leiki. Valur átti að mæta KA/Þór í dag en viðureigninni var frestað vegna ófærðar og Fram á óleikna viðureign úr fimmtu umferð.

Nýliðar FH eru neðstir án stiga en aðeins fjórir leikmenn liðsins komust á blað yfir markaskorara að þessu sinni.
 
Mörk Fram: Lena Margrét Valdimarsdóttir 12, Karólína Bæhrenz Lárudóttir 11, Ragnheiður Júlíusdóttir 9, Guðrún Erla Bjarnadóttir 2, Erna Guðlaug Gunnarsdóttir 2, Unnur Ómarsdóttir 2, Daðey Ásta Hálfdánsdóttir 1, Stella Sigurðardóttir 1, Steinunn Björnsdóttir 1.

Mörk FH: Emilia Ósk Steinarsdóttir 9, Britney Cots 8, Sigrún Jóhannsdóttir 2, Fanney Þóra Þórsdóttir 1.

- Auglýsing -
- Auglýsing -

Nýjustu fréttir

- Auglýsing -