Þrjú smit í íslenska landsliðshópnum

Mynd/Hafliði Breiðfjörð

Þrír leikmenn í íslenska landsliðshópnum í handknattleik karla hafa greinst smitaðir af covid 19. Um er að ræða Björgvin Pál Gústavsson, Elvar Örn Jónsson og Ólaf Andrés Guðmundsson. Handknattleikssamband Íslands greindi frá þessu í tilkynningu fyrir fáeinum mínútum. Ekki verða að svo komnu máli kallaðir inn leikmenn í þeirra stað.

Þar segir: „Í morgun fóru strákarnir okkar í hefðbundið hraðpróf og PCR próf hjá mótshöldurum. Við greiningu sýna komu í ljós þrjú jákvæð sýni og eru viðkomandi leikmenn komnir í einangrun en með mjög lítil einkenni. Leikmennirnir sem um ræðir eru Björgvin Páll Gústavsson, Elvar Örn Jónsson og Ólafur Andrés Guðmundsson.


Ekki verður kallað á nýja leikmenn í leikmannahópinn að sinni.
Nánari upplýsingar verða gefnar á morgun, fimmtudag.“

Íslenska landsliðið mætir Dönum í fyrstu umferð milliriðlakeppninnar annað kvöld.

Fyrri fréttAf hverju ekki?
Næsta fréttSextán marka munur
- Auglýsing -

Nýjustu fréttir

- Auglýsing -