Botnlið Grill 66-deildar karla í handknattleik, ungmennaliði Fram, tókst að velgja öðru af tveimur efstu liðum deildarinnar, Víkingi, undir uggum í Víkinni í dag. Þó ekki nægilega mikið til að krækja í stig. Víkingar hrósuðu happi og þriggja marka sigri þegar upp var staðið, 27:24, eftir að hafa verið þremur mörkum yfir að loknum fyrri hálfleik, 27:24.
Leikurinn var liður í 15. umferð deildarinnar sem fór fram í dag. Víkingar eru eftir leikinn með 26 stig í efsta sæti en þegar þetta er skrifað á HK eftir að mæta Herði en Víkingur og HK voru jöfn að stigum fyrir leiki dagsins. Fram rekur lestina með eitt stig.
Sverrir Andrésson markvörður Víkings varði vel og var með 36% hlutfallsmarkvörslu.
Mörk Víkings: Hjalti Már Hjaltason 6, Arnar Steinn Arnarsson 5, Jóhannes Berg Andrason 5, Logi Snædal Jónsson 4, Ólafur Guðni Eiríksson 3, Arnar Huginn Ingason 2, Guðjón Ágústsson 1, Styrmir Sigurðsson 1.
Mörk Fram U.: Marteinn Sverrir Ingibjargarson 7, Arnór Róbertsson 5, Kjartan Þór Júlíusson 4, Aron Örn Heimisson 3, Halldór Sigurðsson 2, Róbert Árni Guðmundsson 1, Stefán Orri Arnalds 1, Aron Fannar Sindrason 1.
Staðan í Grill 66-deild karla.
