Tvennum sögum, hið minnsta, fer af því hverjar urðu lyktir viðureignar ungmennaliðs Stjörnunnar og Selfoss Grill66-deild kvenna í handknattleik sem fram fór í TM-höllinni í gær. Frá því er greint á Selfoss.net að viðureigninni hafi lokið með jafntefli, 29:29, „en dómarar leiksins ákváðu að bæta við einu marki hjá Stjörnunni og tryggði það Stjörnustúlkum sigur, 30-29,“ segir á vef Ungmennafélags Selfoss.
Engar skýringar hafa fengist hvernig á þessu stendur og þær er heldur ekki að finna á vefnum Selfoss.net.
Ekki bætir úr skák þegar litið er inn á mótakerfi HSÍ. Þar segir að leiknum hafi lokið með sigri ungmennaliðs Stjörnunnar, 30:29. Aðeins eru þó skráð 27 mörk á Stjörnuna þegar mörk leikmanna eru talin saman en 29 mörk á Selfossliðið. Sést það t.d. hér fyrir neðan eins og hér.
Selfoss var með fimm marka forskot að loknum fyrri hálfleik, 17:12.
Leikskýrsla hefur ekki borist til handbolta.is frá viðureigninni fremur en úr öðrum heimaleikjum ungmennaliðs Stjörnunnar í Grill66-deild kvenna. Marskorarar eru af vef HSÍ þar sem of fá mörk eru skráð á Stjörnuliðið hvort sem leikurinn fór 29:29 eða 30:29.
Mörk Stjörnunnar U.: Sonja Lind Sigsteinsdóttir 11, Thelma Sif Sófusdóttir 5, Ásthildur Bertha Bjarkadóttir 3, Birta María Sigmundsdóttir 3, Anna Karen Hansdóttir 2, Hekla Rán Hilmisdóttir 1, Adda Sólbjört Högnadóttir 1, Hafdís Anna Einarsdóttir 1.
Mörk Selfoss: Elínborg Katla Þorbjörnsdóttir 8, Kristín Una Hólmarsdóttir 6, Tinna Soffía Traustadóttir 4, Rakel Guðjónsdóttir 4/4, Tinna Sigurrós Traustadóttir 3, Inga Sól Björnsdóttir 2, Rakel Hlynsdóttir 1, Elín Krista Sigurðardóttir 1.
Stöðuna og næstu leiki í Grill66-deild kvenna er að finna hér.
Uppfært:
