U18: Frábær frammistaða og sannfærandi sigur

Íslenska U18 ára landsliðið sem mætti Dönum í byrjun október. Efri röð f.v.: Sara Dröfn Richardsdóttir, Katrín Anna Ásmundsdóttir, Þóra Björg Stefánsdóttir, Lilja Ágústsdóttir, Hildur Sigurðardóttir, Aníta Eik Jónsdóttir, Inga Dís Jóhannsdóttir, Alfa Brá Oddsdóttir. Fremri röð f.v.: Embla Steindórsdóttir, Thelma Björgvinsdóttir Melsted, Isabella Schöbel Björnsdóttir, Ingunn María Brynjarsdóttir, Elín Klara Þorkelsdóttir, Amelía Einarsdóttir, Tinna Sigurrós Traustadóttir. Mynd/HSÍ

Íslenska landsliðið í handknattleik kvenna, skipað leikmönnum 18 ára og yngri vann glæsilegan sigur á Slóvenum, 24:21, í upphafsleik undankeppni Evrópumótsins í Belgrad í Serbíu í dag. Staðan var jöfn að loknum fyrri hálfleik, 9:9.

Hressar eftir sigurinn áðan. Mynd/HSÍ


Íslenska liðið var mikið sterkara í síðari hálfleik og tók fljótlega yfirhöndina og gaf aldrei þumlung eftir. Vörnin var frábær og markverðirnir vel með á nótunum. Varnarleikurinn skilað mörgum hraðaupphlaupum og góðum mörkum.


Næsti leikur íslenska liðsins verður gegn landsliði Slóvaka á morgun klukkan 14.30. Eins verður leikur við Serba á fimmtudaginn. Í boði er þátttökuréttur fyrir eitt lið í lokakeppni EM 2023.


Mörk Íslands: Lilja Ágústsdóttir 8/2, Inga Dís Jóhannsdóttir 4, Tinna Sigurrós Traustadóttir 4, Embla Steindórsdóttir 3, Elín Klara Þorkelsdóttir 2, Katrín Anna Ásmundsdóttir 2, Thelma Melsted Björgvinsdóttir 1.
Varin skot: Ingunn María Brynjarsdóttir 7, Ísabella Schöbel Björnsdóttir 6.

Handbolti.is fylgdist með leiknum í stöðu- og textauppfærslu hér fyrir neðan.

- Auglýsing -

Nýjustu fréttir

- Auglýsing -