Úrslitaleikur stendur fyrir dyrum

Akureyringarnir Rakel Sara Elvarsdóttir og Anna Marý Jónsdóttir og stöllur í U19 ára landsliðinu hafa tvö stig eftir tvo leiki í B-deild EM í handknattleik. Mynd/EHF

Landslið Hvíta-Rússlands er efst í A-riðli B-deildar Evrópumóts U19 ára í handknattleik kvenna, riðlinum sem íslenska landsliðið á sæti í, þegar tveimur umferðum af þremur er lokið. Hvít-Rússar unnu Pólverja í gær með minnsta mun, 27:26, eftir mikla markaveislu í síðari hálfleik þar sem liðin skoruðu samtals 35 mörk.


Ísland og Pólland mætast í úrslitaleik um annað sæti riðilsins á fimmtudaginn en tvö efstu liðin leika í kross við liðin tvö sem hafna í efstu tveimur sætum B-riðilsins á laugardaginn. Sigurliðin í krossspilinu leika um gullverðlaun á sunnudag og tapliðin mætast í viðureign um bronsverðlaun.
Liðin sem hafna í þriðja og fjórða sæti í riðlunum tveimur bítast um fimmta til áttunda sætið á laugardag og á sunnudag.


A-riðill, staðan:
Hvíta-Rússland 2 – 2 – 0 – 0 – 50:48 – 4.
Pólland 2 – 1 – 0 – 1 – 60:50 – 2.
Ísland 2 – 1 – 0 – 1 – 52:50 – 2.
Finnland 2 – 0 – 0 – 2 – 50:64 – 0.
Úrslit leikja til þessa:
Ísland – Hvíta-Rússland 22:23.
Pólland – Finnland 34:23.
Finnland – Ísland 27:30.
Hvíta-Rússland – Pólland 27:26.
Næstu leikir 15. júlí:
Hvíta-Rússland – Finnland, kl. 11.
Ísland – Pólland, kl. 13.30.

B-riðill, staðan:
Holland 2 – 2 – 0 – 0 – 92:39 – 4.
Færeyjar 2 – 1 – 1 – 0 – 58:39 – 3.
N-Makedónía 2 – 1 – 1 – 0 – 63:52 – 3.
Kósovó 3 – 1 – 0 – 2 – 59:115-2.
Bosnía 3 – 0 – 0 – 3 – 81:108-0.

Úrslit leikja til þessa:
Norður-Makedónía – Bosnía 39:28.
Holland – Kósovó 53:14.
Bosnía – Finnland 25:39.
Kósovó – Færeyjar 15:34.
Kósovó – Bosnía 30:28.
Færeyjar – Norður-Makedónía 24:24.

Tveir riðlar B-hluta Evrópumótsins fara fram á Ítalíu. Þar mætast landslið sjö þjóða í tveimur riðlum.


Tvö efstu liðin í keppninni í Norður Makedóníu og á Ítalíu eiga þess kost að taka þátt í undankeppni um keppnisrétt á heimsmeistaramótinu 20 ára liða sem fram fer í Slóveníu á næsta ári. Það er því eftir nokkru að slægjast.

- Auglýsing -

Nýjustu fréttir

- Auglýsing -