Lovísa Thompson gat ekki farið með Valsliðinu til Serbíu í dag. Mynd/Egill Bjarni Friðjónsson

Kvennalið Vals hélt af stað til Serbíu eftir hádegið í dag þar sem liðið leikur á laugardag og sunnudag við Bekament í annarri umferð í Evrópubikarkeppninni í handknattleik. Valsliðið verður án sterkra leikmanna í leikjunum en Lovísa Thompson, landsliðskona, Íris Ásta Pétursdóttir, Hulda Dís Þrastardóttir, Hildur Björnsdóttir og Karlotta Kjerúlf Óskarsdóttir fóru ekki með.

Lovísa fékk högg á augabrún í leik með íslenska landsliðinu gegn Svíum í undankeppni EM og gat af þeim sökum heldur ekki leikið með landsliðinu í sigurleiknum á Serbum á síðasta sunnudag.


Bekamentliðið er með bækistöðvar í bænum Arandjelovac sem er í um 75 km fjarlægð frá Belgrad, höfuðborg Serbíu. Þegar fimm umferðir eru að baki í serbnesku 1. deildinni situr liðið í öðru sæti. Af þeim ástæðum má víst telja að um sterkt lið sé að ræða.


Enn er óvíst hvort leikirnir verðir sýndir en þeir hefjast klukkan 16 báða dagana og er þá miðað við tímann á Íslandi. Handbolti.is mun eftir megni reyna að fylgjast með leikjunum.


Eftirtaldir leikmenn Vals taka þátt í leikjunum:
Markmenn:
Saga Sif Gísladóttir.
Sara Sif Helgadóttir.
Signý Pála Pálsdóttir.
Aðrir leikmenn:
Ragnhildur Edda Þórðardóttir.
Lilja Ágústsdóttir.
Hanna Karen Ólafsdóttir.
Ída Margrét Stefánsdóttir.
Mariam Eradze.
Elín Rósa Magnúsdóttir.
Morgan Marie Þorkelsdóttir.
Thea Imani Sturludóttir.
Auður Ester Gestsdóttir.
Hildigunnur Einarsdóttir.
Ragnheiður Sveinsdóttir.
Vaka Sigríður Ingólfsdóttir.

Starfsfólk:
Guðrún Gísladóttir, fararstjóri.
Ágúst Jóhannsson, þjálfari.
Óskar Bjarni Óskarsson, þjálfari.
Hlynur Morthens, markmannsþjálfari.
Veigur Sveinsson, sjúkraþjálfari.
Björg Elín Guðmundsdóttir, liðsstjóri.

- Auglýsing -

Nýjustu fréttir

- Auglýsing -