Valsmenn mæta Lemgo í annarri umferð Evrópudeildarinnar í handknattleik karla síðar í þessum mánuði. Mynd/HSÍ

Íslandsmeistarar Vals mæta Bjarka Má Elíssyni og samherjum í þýska bikarmeistaraliðinu Lemgo í annarri umferð Evrópudeildarinnar í handknattleik karla. Dregið var í höfuðstöðvum Handknattleikssambands Evrópu, EHF, í Vínarborg í morgun.


Fyrri leikurinn verður á heimavelli Vals þriðjudaginn 21. september og sá síðari viku síðar í Þýskalandi.

Þannig drógust liðin saman í morgun:


Rhein-Neckar Löwen (Ýmir Örn Gíslason) – Benfica.
Valur – Lemgo (Bjarki Már Elísson).
Bjerringbro/Silkeborg – RK Nexe.
La Rioja – Ademar León.

Nimes – HC CSKA.
Toulouse – HK Malmö.
Pulawy – Füchse Berlin.
Arendal – PAUC (Kristján Örn Kristjánsson, Donni).

GOG (Viktor Gísli Hallgrímsson) – Mors Thy.
Kadetten (Aðalsteinn Eyjólfsson) – Granolles.
Wisla Plock – Constanta.
Sporting – TTH Holstebro.


Tólf lið komast í þriðju umferð sem leikin verður í sex riðlum með fjórum liðum í hverjum.

Valur, sem var í neðri styrkleikaflokki þegar dregið var í morgun, sló út RK Porec frá Króatíu, 44:39, í tveimur leikjums sem fram fóru í Króatíu á síðasta föstudag og laugardag í Porec.

- Auglýsing -

Nýjustu fréttir

- Auglýsing -