Hildigunnur Einarsdóttir leikmaður Bayer Leverkusen. Mynd/TSV Bayer Leverkusen

Hildigunnur Einarsdóttir, handknattleikskona hjá þýska 1. deildarliðinu Bayer Leverkusen gekkst undir aðgerð á hné í gær og verður frá keppni næstu vikur af þeim sökum.


„Það var rifa í liðþófanum sem þurfti að pússa niður. Það var aðeins meiri skemmd á liðþófanum en sást í MRI. Læknirinn hreinsaði hnéð og allt lítur nú vel út,“ sagði Hildigunnur við handbolta.is nú í hádeginu.


Aðgerðin gekk vel að sögn Hildigunnar sem verður frá keppni um ótiltekinn tíma af þessum sökum. Hún er nú á sínu öðru keppnistímabili með Leverkusen-liðinu. Áður hefur hún m.a. leikið með Dortmund, Hypo í Austurríki og Tertnes í Noregi auk liða hér heima.


Leverkusen situr í níunda sæti af 16 liðum 1. deildar með 16 stig eftir 16 leiki.

- Auglýsing -

Nýjustu fréttir

- Auglýsing -