Verður Vardar hent út úr Meistaradeildinni?

Það var glatt á hjalla þegar Vardar vann Meistaradeildina 2019. Gamanið virðist hafa kárnað síðan. Mynd/EPA

Svo kann að fara að HC Vardar 1961 frá Norður-Makedóníu verði vísað úr keppni í Meistaradeild Evrópu í handknattleik karla. Félagið fékk þátttökuleyfi í gær með skilyrði en hafi það ekki reitt fram eina milljón evra í tryggingu fyrir 27. júlí verður liðinu vísað úr keppni og slóvensku meisturunum Gorenje Velenje hleypt inn í staðinn.


Eftir því sem næst verður komist krefst EHF að Vardar leggi fram trygginguna vegna deilumála sem fyrrverandi Vardarlið, HC Vardar Skopje, á í gagnvart EHF. Mihajlo Mihajlovski, forseti Vardar, segir málið vera sér og núverandi félagi óviðkomandi. Ekki koma til greina að greiða gamlar skuldir sem aðrir hafi stofnað til. Skuldin og deilumálið snúi að fyrrverandi félagi sem hefur fyrir nokkru lagt upp laupana. Upp úr því var stofnað HC Vardar 1961 sem hafi tekið við keppnisleyfi hins gjaldþrota félags ásamt samningum við leikmenn. Skuldbindingar HC Vardar Skopje geti ekki verið á könnu HC Vardar 1961 sem var að mestu í eiga rússnesks auðkýfings, Sergei Samsonenko, sem komi ekkert að núverandi félagi sem Mihajlovski er í forsvari fyrir.


Við þessar skýringar vill EHF ekki una og þótt HC Vardar 1961 hafi fengið að leika á síðasta keppnistímabili verður ekki framhald á án þess að trygging verði lögð fram. Sem stendur er stál í stál í deilu EHF og Norður Makedóníumanna. Mihajlovski, forseti HC Vardar 1961, greindi frá afstöðu sinni og félagsins í gær í samtali við 24rakomet.mk en opinber yfirlýsing hefur ekki borist frá félaginu.


Vardar hefur tvisvar unnið Meistaradeild Evrópu 2017 og 2019.

a>
- Auglýsing -

Nýjustu fréttir

- Auglýsing -