- Auglýsing -
Viggó Kristjánsson, landsliðsmaður í handknattleik og liðsmaður Stuttgart í Þýskalandi, er orðaður við Leipzig á síðunni handballleaks á Instagram, en þeir sem standa að þeirri síðu hitta á stundum naglann á höfuðið.
Viggó gekk til liðs við SC DHfK Leipzig sumarið 2019 en fest lítt rætur og var seldur eftir skamma dvöl til Wetzlar hvar hann lék til vorsins 2020 er hann samdi við Stuttgart. Sá samningur rennur út á næsta sumri.
Viggó sló í gegn í þýsku 1. deildinni á síðasta keppnistímabili og var m.a. í keppni um markakóngstitilinn lengi vel. Sé einhver fótur fyrir fregn handballleaks þá virðast stjórnendur Leipzig hafa séð eftir að hafa selt Viggó haustið 2019.
- Auglýsing -
