Víkingur safnar liði fyrir átökin

25.06.21

Gísli Jörgen Gíslason glaður í bragði eftir að hann gekk til liðs við Víking í dag. Mynd/Víkingur

- Auglýsing -

Víkingar eru byrjaðir að safna liði fyrir næsta keppnistímabil í Grill66-deild karla í handknattleik. Í dag samdi handknattleiksdeild Víkings við hinn 23 ára gamla Gísla Jörgen Gíslason. Hann kemur til Víkings frá FH en frá áramótum lék Gísli Jörgen sem lánsmaður með Þór Akueyri í Olísdeildinni og skoraði 37 mörk í 16 leikjum.

Gísli Jörgen getur leikið jafnt sem miðjumaður og vinstri skytta. „Við erum afar spennt fyrir þessari viðbót í hópinn okkar og væntum mikils af Gísla,“ segir í tilkynningu frá handknattleiksdeild Víkings.