Ljóst má vera að ekki eru öll kurl komin til grafar í kærumálum milli Stjörnunnar og KA/Þórs. Mynd/Egill Bjarni Friðjónsson

Samskipti Áfrýjunardómstóls HSÍ við kvennaráð KA/Þórs vegna áfrýjunar Stjörnunnar á dómi Dómstóls HSÍ fóru í gegnum póstfang unglingaráðs KA sem er ekki aðili málsins. Sævar Pétursson, framkvæmdastjóri KA segir í samtali við handbolta.is að þar til bærum mönnum innan félagsins hafi aldrei borist vitneskja um að Stjarnan hafi áfrýjað dómi dómstóls HSÍ.


Þeir hafi fyrst vitað að Stjarnan hafi áfrýjað málinu þegar dómur Áfrýjunardómstóls HSÍ barst þeim frá skrifstofu HSÍ síðdegis í gær. Af þeim sökum var ekki gripið til varna sem Sævar segir að öllum megi vera ljóst að hefði verið gert.


„Þegar kæra Stjörnunnar var tekin fyrir á fyrra stigi, hjá Dómstól HSÍ, var skýrt tekið fram að fulltrúar kvennaráðs KA að málinu væru ég, sem framkvæmdastjóri KA, Siguróli íþróttastjóri KA og síðan lögmaður okkur. Meðan málið var í ferli þess dómstóls gengu öll samskipti í gegnum okkur þrjá og við beðnir um staðfestingu á mótttöku sem og var gert. Þegar kom að Áfrýjunardómstólnum gerðist það ekki,“ sagði Sævar sem eins og fleiri Akureyringar er vonsviknir yfir vinnubrögðum og framvindu málsins.


„Við hefðum að sjálfsögðu gripið til varna í málinu hefðum við vitað að það væri komið fyrir áfrýjunardómstólinn,“ sagði Sævar.


„Við getum verið ósammála um niðurstöðuna eins og í öðrum dómsmálum en sem stendur beinist óánægja okkar fyrst að ferli málsins eftir að málið fer fyrir Áfrýjunardómstólinn. Þá hafa hlutirnir klúðrast og engin hér nyrðra veit neitt fyrr en niðurstaðan barst okkur frá skrifstofu HSÍ í gærkvöld,“ segir Sævar Pétursson sem telur víst að málinu sé hvernig nærri lokið.

- Auglýsing -

Nýjustu fréttir

- Auglýsing -