Ágúst Þór Jóhannsson, þjálfari Vals, og leikmenn hans. Mynd/Egill Bjarni Friðjónsson

Valur og ZRK Bekament mættust í fyrri leik sínum í Evrópubikarkeppni kvenna í handknattleik í Arandjelovac í Serbíu klukkan 16 í dag að íslenskum tíma.

Valskonur léku við hvern sinn fingur í fyrri hálfleik, leiddu leikinn allan tímann og voru yfir 10:15 í hálfleik. Leikmenn Bekamenti mættu tvíefldar til leiks í seinni hálfleik og skoruðu sex mörk gegn tveimur í byrjun seinni hálfleiks og minnkuðu muninn niður í 16:17. Eftir það var leikurinn í járnum og liðin skiptust á að ná forystu allt til loka leiksins, þegar Bekamenti nær að sigla fram úr og vinna leikinn 29:28. Svekkjandi tap Valskvenna.

Valskonum var fimm sinnum vikið af velli en Bekamenti einu sinni.

Mörk Vals: Lilja Ágústsdóttir 8, Thea Imani Sturludóttir 6, Mariam Eradze 6, Auður Ester Gestsdóttir 4, Elín Rósa Magnúsdóttir 1, Hanna Karen Ólafsdóttir 1.

Handbolti.is fylgdist með leiknum í textalýsingu hér fyrir neðan.

- Auglýsing -

Nýjustu fréttir

- Auglýsing -