Fyrr í kvöld var fyrirhugðum leik Fram og Vals í Olísdeild karla sem til stóð að færi fram á sunnudagskvöld frestað. Víst er að þegar ein báran rís er önnur vís en rétt í þessu var tilkynnt að viðureign Kórdrengja og ungmennaliðs Vals í Grill66-deild karla sem vonir stóðu til að færi fram annað kvöld hafi einnig verið slegið á frest um ótiltekinn tíma. Kemur þetta fram í tilkynningu frá HSÍ.


Ekki er ljóst af hverju leiknum var frestað en heimildir handbolta.is herma að kórónuveiran hafi skotið upp kollinum í herbúðum Vals í annað sinn á leiktíðinni. Veiran var þar einnig á ferðinni í lok ágúst og smitaði nokkra leikmenn og hélt Valsmönnum frá æfingum um skeið.

- Auglýsing -

Nýjustu fréttir

- Auglýsing -