Bið verður á að Gróttumenn taki á móti HK í Olísdeild karla. Fyrirhuguðum leik liðanna sem fram á átti að fara á morgun hefur verið frestað um óákveðinn tíma. Mynd/Eyjólfur Garðarsson

Þriðja leiknum sem fram átti að fara á Íslandsmótinu í handknattleik karla hefur verið frestað. Rétt í þessu sendi HSÍ frá sér tilkynningu þess efnis að viðureign Gróttu og HK sem til stóð að færi fram í Olísdeild karla í Hertzhöllinni á morgun hafi verið frestað um óákveðinn tíma.


Ástæða frestunarinnar var ekki gefin upp en ekki er óvarlegt að áætla að kórónuveiran setji strik í reikninginn.

Í gærkvöld var leikjum Fram og Vals í Olísdeild karla og Kórdrengja og ungmennalið Vals í Grill 66-deild karla sem fram áttu að fara á morgun og í dag frestað eftir að smit kórónuveiru stakk sér niður í herbúðir Valsmanna.

- Auglýsing -

Nýjustu fréttir

- Auglýsing -