Framlengir dvölina hjá Víkingi

Ída Bjarklind Magnúsdóttir við undirskrift samningsins í Víkinni. Mynd/Víkingur

Ída Bjarklind Magnúsdóttir hefur skrifað undir framlengingu til tveggja ára á samningi sínum við handknattleiksdeild Víkings. Ída, sem er á 23. aldursári, er uppalin á Selfossi. Hún lék með Stjörnunni áður en hún gekk til liðs við Víking í vetur.


„Ída á hátt í 80 leiki í Olísdeildinni og hefur spilað í yngri landsliðum ásamt því að eiga leiki með B-landsliði Íslands. Ída sem er bæði hörku varnar- og sóknarmaður verður Víkingum mikill styrkur á næsta tímabili,“ segir í tilkynningu frá Víkingi.


Ída Bjarklind er annar leikmaður Víkings sem skrifar undir nýjan samning við félagið á fáeinum dögum. Í fyrrdag var tilkynnt að Arna Þyrí Ólafsdóttir verði áfram í herbúðum Víkingsliðsins.

- Auglýsing -

Nýjustu fréttir

- Auglýsing -