Hörður leikur um bronsið

Hörður Fannar Sigþórsson. Mynd/FB-síða Harðar Fannars

Hörður Fannar Sigþórsson og samherjar hans í KÍF frá Kollafirði leika um bronsverðlaunin í færeysku úrvalsdeildinni í handknattleik eftir að þeir töpuðu öðru sinni fyrir ríkjandi meisturum, H71, með eins marks mun í Hoyvík í gærkvöld, 23:22. Staðan var jöfn að loknum fyrri hálfleik, 10:10.
KÍF tapaði einnig með eins marks mun í fyrsta leik liðanna í undanúrslitum á miðvikudagskvöld, þá á heimavelli, 27:26.


Hörður Fannar skoraði eitt mark í viðureigninni í Hoyvík í gærkvöld.
KÍF mætir annað hvort VÍF frá Vestmanna í leiknum um bronsið á næsta laugardag. Sama dag verður einnig úrslitaleikurinn um færeyska meistaratitilinn í karlaflokki þar sem H71 hefur nú öðlast keppnisrétt.

Rimma VÍF og Neistans, sem Arnar Gunnarsson þjálfar, í undanúrslitum hefur ekki verið leidd til lykta. VÍF vann fyrsta leikinn á heimavelli með tíu marka mun, 35:25, á miðvikdagskvöld. Liðin mætast öðru sinni í Þórshöfn annað kvöld. Takist Neistanum að vinna annað kvöld kemur til oddaleiks á miðvikudagskvöld í Vestmanna.

- Auglýsing -

Nýjustu fréttir

- Auglýsing -