Hugsa meira um peninga en heilsu leikmanna

Norðmaðurinn Sander Sagosen t.h. Mynd/EPA

„Það er hreinlega pínlegt til þess að vita að skipuleggjendur heimsmeistaramótsins hyggist selja áhorfendum aðgang að leikjum heimsmeistaramótsins eins og staðan er í heiminum í dag,“ segir norska stórstjarnan og nýkrýndur Evrópumeistari með Kiel, Sander Sagosen í samtali við norsku fréttastofuna NTB sem nokkrir erlendir fjölmiðlar vitna til í gærkvöld.


Sagosen segist ekki hafa nokkurn skilning á þessari ákvörðun sem hann segir vera fullkomlega út í hött. Hann skefur ekkert af því í viðtalinu og talar tæpitungulaust.
„IHF virðist hugsa meira um fjárhagslega afkomu en heilsu leikmanna. Það á að vera öllum ljóst að í núverandi ástandi er það beinlínis heimskulegt að leika handknattleik fyrir framan fjölda áhorfenda.“

- Auglýsing -

Nýjustu fréttir

- Auglýsing -