„Við verðum fyrst og fremst að hugsa um okkur sjálfa og hvernig við ætlum að vinna úr stöðunni hverju sinni,“ sagði Aron Kristjánsson, þjálfari Hauka, í samtali við handbolta.is eftir stórsigur á Gróttu, 27:15, í Olísdeild karla í Schenkerhöllinni í gærkvöld. Athygli vakti að Hauka léku með sjö manna sóknarleik nær allan leikinn og sýndu Gróttumönnum ekki nokkra miskunn, sennilega minnugir fyrri viðureignar í haust þegar Haukar sluppi með skrekkinn í eins marks sigri.
„Við höfum leikið mikið upp á síðkasti auk þess sem meiðsli hafa stungið sér niður í hópinn okkar. Heimir Óli var með í kvöld eftir að hafa misst af tveimur leikjum í röð vegna meiðsla. Darri og Geir eru úr leik að sinni og Atli var á hálfri ferð. Þess vegna urðum við bregðast við aðstæðum og dreifa álaginu vel. Það tókst að mínu mati. Allir leikmenn fengu góða kvíld á milli auk þess sem margir af ungu strákunum fengu að spila talsvert með.
Sjö á sex gekk mjög vel í 45 mínútur en þá var eins og einbeitingin minnkaði. Í framhaldinu brást okkur bogalistin í tveimur vítaköstum, einnig í opnum færum. Við hefðum getað unnið öruggari sigur en nógu öruggur var þessi sigur þó,“ sagði Aron glaður í bragði.
„Gróttumenn hafa sýnt að þeir eru erfiðir viðureignar og þess vegna bjuggum við okkur mjög vel undir þennan leik. Sá undirbúninguri skilað sér afar vel,“ sagði Aron Kristjánsson, þjálfari Hauka, sem er með sitt lið í efsta sæti eftir 12 leiki, með þriggja stiga forskot á FH sem er í öðru sæti.
