Komnar í úrslit umspilsins

Halldór Harri Kristjánsson og leikmenn HK fóru vel af stað á Ragnarsmótinu. Mynd/Egill Bjarni Friðjónsson.

HK er komið í úrslit umspilsins um sæti í Olísdeild kvenna á næsta keppnistímabili eftir annan sigur á Fjölni-Fylki í dag, 28:17, í Dalhúsum. HK mætir annað hvort Gróttu eða ÍR í úrslitum en tvö síðarnefndu liðin mætast öðru sinni síðari í dag í Austurbergi. Grótta hefur einn vinning en ÍR engan.

Eins og í fyrri viðureign HK og Fjölnis-Fylkis á miðvikudaginn í Kórnum þá réði HK lögum og lofum frá upphafi til enda. Sóknarleikurinn var Akkilesarhæll Fjölnis-Fylkisliðsins eins og áður gegn sterku liði HK. Liðið er hinsvegar reynslunni ríkara eftir leikina tvo við HK-inga sem voru í Olísdeildinni á leiktíðinni og mætir enn öflugra til leiks í haust.


Staðan að loknum fyrri hálfleik var, 14:8, HK í hag.


Mörk Fjölnis-Fylkis: María Ósk Jónsdóttir 6, Ada Koziska 3, Azra Cosic 1, Anna Karen Jónsdótir 1, Katrín Erla Kjartansdóttir 1, Kolbrún Jóna Helgadóttir 1, Kristín Lísa Friðriksdóttir 1, Sara Björg Davíðsdóttir 1, Nína Rut Magnúsdóttir 1, Svala Rún Þórisdóttir 1.
Mörk HK: Jóhanna Margrét Sigurðardóttir 7, Elna Ólöf Guðjónsdóttir 5, Kristín Guðmundsdóttir 3, Sara Katrín Gunnarsdóttir 3, Tinna Sól Björgvinsdóttir 3, Díana Kristín Sigmarsdóttir 2, Karen Kristinsdóttir 2, Þóra María Sigurjónsdóttir 1, Embla Steindórsdóttir 1, Hafdís Shizuka Iura 1.

- Auglýsing -

Nýjustu fréttir

- Auglýsing -