- Auglýsing -

„Ljóst er að framkvæmd leiksins var verulega ábótavant“

Handknattleiksdeild Selfoss sendi frá sér neðangreinda yfirlýsingu rétt í þessu vegna viðureignar ungmennaliðs Stjörnunnar og Selfoss í Grill66-deild kvenna sem nokkuð hefur verið fjallað um á handbolta.is í dag.

Framkvæmd leiks kærð

„Handknattleiksdeild Umf. Selfoss hefur kært framkvæmd leiks Selfoss og ungmennaliðs Stjörnunnar sem fram fór í gær, sunnudaginn 28. nóvember, í TM-höllinni. Leiknum lauk með jafntefli 29-29, eftir að Selfoss hafði leitt í hálfleik, 12-17. Úrslitunum var hins vegar breytt að leik loknum, þegar dómarar leiksins ákváðu að bæta einu marki við hjá Stjörnunni og þeim því úrskurðað sigurinn, 30-29. 

Ljóst er að framkvæmd leiksins var verulega ábótavant þar sem handvömm varð á ritaraborði og skráning marka ekki rétt. Hafði þetta mikil áhrif á framgang leiksins, en leikurinn varð mjög jafn undir lokin. Sambærilegt atvik gerðist fyrr á þessu ári í TM-höllinni, þar sem Stjarnan og KA/Þór mættust í Olísdeild kvenna. Niðurstaða áfrýjunardómstóls HSÍ var að endurtaka þann leik vegna ágalla í framkvæmd leiks.“ 

- Auglýsing -
- Auglýsing -

Nýjustu fréttir

- Auglýsing -