Þótt nokkuð hafi fækkað í hópi Íslendinga í áhorfendastúkunni er ennþá talsverður hópur fólks í Búdapest. Þeir létu ekki sitt eftir liggja í gær þegar íslenska landsliðið mætti Króatíu í þriðju umferð milliriðlakeppni Evrópumótsins.
Íslensku stuðningsmennirnir létu að vanda vel í sér heyra. Hvöttu þeir leikmenn íslenska landsliðsins til dáða frá fyrstu mínútu til þeirrar síðustu. Því miður nægði það ekki að þessu sinni. Króatar unnu í jöfnum og spennandi leik, 23:22.
Hafliði Breiðfjörð ljósmyndari var að vanda á vellinum í gær og tók nokkar myndir af íslensku stuðningsmönnunum.
Um leið er minnt á fyrri syrpur Hafliða frá EM2022: Ferðasagan, æfing í keppnishöllinni, upphitun stuðningsmanna, Ísland – Portúgal 28:24, Stórkostlegir, Ísland – Holland 29:28, Stuðningurinn, Létt á æfingu. Ísland – Ungverjaland 31:30, Stemningin í stúkunni, Ísland – Danmörk, 24:28. Fjölmennir og hressir. Ísland – Frakkland, 29:21. Minningar frá gleðikvöldi. Fengum orku. Yfirvegun. Ísland – Króatía, 22:23.
