Myndskeið: Ómar Ingi og Gísli Þorgeir Evrópumeistarar

Ómar Ingi t.v. í þegar bikarinn fyrir sigur í Evrópudeildinni fór á loft í gærkvöld. Mynd/EHF

Ómar Ingi Magnússon varð í gær Evrópumeisari í handknattleik með SC Magdeburg þegar liðið vann Füchse Berlin, 28:25, í úrslitaleik Evrópudeildarinnar í Mannheim. Sömu sögu er að segja um Gísla Þorgeir Kristjánsson. Þótt hann hafi ekki getað tekið þátt í undanúrslitaleiknum á laugardaginn og úrslitaleiknum í gær vegna meiðsla þá er hann hluti af liðinu og lék með Magdeburg í flestum leikjum þess á keppnistímabilinu.

Ómar Ingi var annar af tveimur markahæstu mönnum Magdeburg í sigurleiknum með sjö mörk. Hann var einnig næst markahæsti leikmaður Evrópudeildar á keppnistímabilinu með 94 mörk. Emil Jacobsen leikmaður GOG skoraði tveimur mörkum meira.

Sigrinum var skiljanlega innilega fagnað eins og sést á meðfylgjandi myndskeiðum frá Handknattleikssambandi Evrópu.

Magdeburg vann 15 af 16 leikjum sínum í keppninni.

- Auglýsing -

Nýjustu fréttir

- Auglýsing -