Róbert Sighvatsson þjálfari Kórdrengja t.v. og Hinrik Geir, forsvarsmaður handknattleiksliðs Kórdrengja. Mynd/Kórdrengir

Kórdrengir hafa náð samkomulagi við Róbert Sighvatsson um að taka við þjálfun liðsins en lið Kórdrengja verður nýliði í Grill66-deild karla.

Ró­bert lék með Vík­ingi og Aft­ur­eld­ingu hér heima og Schutterwald, Düs­seldorf, Dorma­gen og Wetzl­ar á leik­manna­ferli sín­um. Ró­bert sneri sér að þjálf­un þegar leik­manna­ferli hans lauk og hef­ur hann þjálfað Vík­ing og Þrótt hér heima og síðar um skeið Wetzl­ar í þýsku 1. deild­inni.


Ró­bert lék 160 leiki með ís­lenska landsliðinu á sín­um tíma og skoraði í þeim leikj­um 243 mörk.

„Kórdrengir eru með háleit markmið og höfum við trú á að Róbert sé rétti maðurinn í verkið. Við erum spenntir fyrir komandi tímum og bjóðum Róbert velkominn,“ segir m.a. í fréttatilkynningu frá handknattleiksdeild Kórdrengja.

Fyrsti leikur Kórdrengja í Grill66-deildinni verður gegn ungmennaliði Aftureldingar á laugardaginn á Varmá.

- Auglýsing -

Nýjustu fréttir

- Auglýsing -