Tap á rekstri HSÍ – tillaga um eina deild kvenna var felld

65.ársþing Handknattleikssambands Íslands, HSÍ, fór fram í Origo-höllinni að Hlíðarenda fyrr í dag. 76 manns sátu þingið, þar af 50 þingfulltrúar frá aðildarfélögunum.


Velta HSÍ á árinu var tæpar 319 milljónir kr. en tap á rekstri sambandsins var 5,8 milljónir. Tapið skýrist einkum af auknum kostnaði vegna Covid-19 faraldursins. Árið áður var ríflega 58 milljóna króna afgangur af rekstrinum. Eigið fé sambandsins er jákvætt.


Fyrir þinginu lá tillaga frá handknattleiksdeild HK um að leika í einni deild kvenna á næsta keppnistímbili. Tillagan var felld.


Sjálfkjörið var í stjórn sambandsins og voru Arnar Þorkelsson gjaldkeri, Guðríður Guðjónsdóttir, landsliðsnefnd kvenna og Kristín Þórðardóttir, mótanefnd kjörin. Reynir Stefánsson lét af störfum sem formaður dómaranefndar og tekur við sem varaformaður. Kristján Gaukur Kristjánsson kemur nýr inn í stjórnina sem formaður dómaranefndar.


Fyrir í stjórn eru Guðmundur B. Ólafsson, formaður Jón Viðar Stefánsson, markaðsnefnd, Páll Þórólfsson, landsliðsnefnd karla og Inga Lilja Lárusdóttir, fræðslu- og útbreiðslunefnd. Þau voru kjörin til tveggja ára á þingi fyrir ári.


Í varastjórn HSÍ voru kjörin Alfreð Örn Finnsson, Hrafnhildur Ósk Skúladóttir og Ragnar Lárus Kristjánsson. Sá síðastnefndi kom nýr inn í stað Guðmundar Þórs Jónssonar.


Davíð B. Gíslason varaformaður HSÍ lést fyrr á árinu. Hans var minnst við upphafi þings.

- Auglýsing -

Nýjustu fréttir

- Auglýsing -