- Auglýsing -
Ályktun um þjóðarhöll var samþykkt á 65. ársþingi HSÍ sem haldið var í Valsheimilinu í dag. Í henni eru stjórnvöld, ríki og Reykjavíkurborg hvött til að ljúka samningum nú þegar um byggingu þjóðarhallar, hætta störukeppni varðandi kostnaðarskiptingu og taka nú þegar til óspilltra málanna við byggingaframkvæmdir.
„Eins og kunnugt er þá er ekkert íþróttahús hér á landi sem uppfyllir lágmarksskilyrði til þátttöku í alþjóðlegum keppnum og ekki virðist skorta viljann hjá stjórnvöldum til að uppfylla þessi skilyrði. Dráttur á ákvörðunartöku er því óskiljanlegur. Ársþing HSÍ hvetur stjórnvöld til að hætta störukeppni varðandi kostnaðarskiptingu og ljúka nú þegar samningum um byggingu þjóðarhallar. Með því sýna stjórnvöld í verki raunverulegan stuðning við framgang handknattleiks á Íslandi,“ segir í ályktun sem samþykkt var á þingi Handknattleikssambands Íslands fyrr í dag.
- Auglýsing -
