Vistaskipti Ágústs Elís staðfest

Ágúst Elí Björgvinsson í keppnistreyju Ribe Esbjerg. Mynd/Ribe Esbjerg

Danska úrvalsdeildarliðið Ribe Esbjerg staðfesti fyrir stundu að landsliðsmarkvörðurinn Ágúst Elí Björgvinsson hafi skrifað undir tveggja ára samning við félagið. Tekur samningurinn gildi í sumar og er til tveggja ára.

Fregnin er í samræmi við óstaðfestar fregnir JydskeVestkysten frá í gær og handbolti.is greindi frá í morgun að Ágúst væri á leið til Ribe Esbjerg frá Kolding í sumar. Ribe Esbjerg er um þessar mundir í áttunda sæti dönsku úrvalsdeildarinnar. KIF Kolding er í 13. sæti af 15.

Ágúst Elí, sem er í íslenska landsliðshópnum sem fer á Evrópumótið í næstu viku, er að langt kominn á öðru tímabili sínu með KIF Kolding. Hann er í 15. sæti markvarða dönsku deildarinnar á þessu keppnistímabili með 29,4% hlutfallsmarkvörslu.

- Auglýsing -

Nýjustu fréttir

- Auglýsing -