Vonast til að byrja að æfa með liðinu á morgun

Elvar Ásgeirsson leikmaður Nancy í Frakklandi. Mynd/Nancy

Elvar Ásgeirsson gat ekki leikið með Nancy í fyrsta leik nýliðanna í frönsku 1. deildinni í handknattleik í gær vegna meiðsla. Nancy sótti þá Chartres heim og tapað naumlega, 28:27, eins og greint var frá á handbolti.is í gærkvöld. Elvars var sárt saknað í leiknum.


Elvar meiddist í fyrsta æfingaleik Nancy-liðsins í byrjun ágúst. Hann fékk þungt högg á aðra ristina svo úr varð beinmar. „Ég er búinn að vera frá í um það bil mánuð en stefnan er að ég byrji aftur að æfa með liðinu á mánudaginn [á morgun],“ sagði Elvar í skilaboðum til handbolta.is í morgun.


Elvar gekk til liðs við Nancy frá Stuttgart í Þýskalandi í mars og átti stóran þátt í að liðið vann sér langþráð sæti í efstu deild franska handknattleiksins eftir umspil í vor.

- Auglýsing -

Nýjustu fréttir

- Auglýsing -