Verða að mætast aftur eftir markaklúður

Mynd/aðsend

Ungmennalið Stjörnunnar og Selfoss verða að mætast á nýjan leik í Grill66-deild kvenna í handknattleik. Það er niðurstaða dómstóls HSÍ eftir að handknattleiksdeild Selfoss kærði framkvæmd leiks liðanna sem fram fór í TM-höllinni 28. nóvember sl.

Þegar leiknum lauk var staðan jöfn, 29:29, samkvæmt markatöflu leiksins.

Eftir að dómarar höfðu að fenginni ábendingu farið yfir upptöku af leiknum kom í ljós að láðst hafði að færa inn eitt mark á heimaliðið, Stjörnuna. Þess vegna skráðu dómarar úrslitin 30:29, á leikskýrslu.


Í úrskurðarorðum dómstólsins segir m.a.:

„Aðalkröfu kæranda, Handknattleiksdeildar Umf. Selfoss, um að úrslit leiks Stjörnunnar U og Selfoss í Grill66 deild kvenna, sem fram fór 28. nóvember 2021, verði leiðrétt og þau ákveðin 29-29, er hafnað.


Leikur Stjörnunnar U og Selfoss í Grill66 deild kvenna, sem fram fór 28. nóvember 2021, skal leikinn aftur.“

Dóminn má lesa hér.

- Auglýsing -

Nýjustu fréttir

- Auglýsing -